უფალო! უსმინე შავარდენს,

მის ხელით გიგზავნი ბარათს,

მიშველე ღორებში ჩავარდნილს,

ღორებში ჩავარდნილს მარად.

* * *

როგორც რომ ბურვაკი კალოზე,

მინდორში ბაწრით აბია,

მარტო ვარ, უფალო, დალოცე

მეღორე, ცრემლების ყლაპია!

* * *

უფალო! მომეცი სამხარი,

ძაღლივით ამოსულს ცაზე

და შენი პერანგი ნახმარი

ჩამაცვი ცოდვიან ტანზე.

* * *

მომეცი ბავშვებში ჩარევის

 და მათთან თამაშის ნება.

უფალო! შენს გარდა არავის

არა აქვს ამის უფლება.

* * *

ფიქრები სამწყესო ღორებზე

ყოველდღე ცრემლებით მსჯიდა.

უფალო, გალავნის ყორეზე

დამნიშნე ბეღურა ჩიტად.