ლია გველუკაშვილი – „საფერავივით რომ გაწითლდა გუშინ საღამო…”

საფერავივით რომ გაწითლდა გუშინ საღამო

და ეს ტუჩებიც ღვინისფერად გამეწამულდნენ …

საწნახელია თუ წუხელის ვნებამ დაგათრო?

შენი თვალები იქნებ რთველის ეშხით დადუმდნენ…

აშლილმა ტანმა თუ დაგგეშა გველის სანაცვლოდ

კეთროვანივით პირზე მოთქმით ცხელ ასფალტს ლოშნი…!

გამითავისე შენ-თავისად, ურცხვად, სახალხოდ,

სამაგიეროს დაგიბრუნებ – მოთელილ კოცნით!

და შვრიასავით მიგმოგფანტავ, თან

ზღვებსაც გავცდი,

წყლად იალქნები მოცელილნი დამრჩნენ ეულად,

და მოგონებაც უკადრისად თარიღებს მაცლის…

შევინიღბები და გიმასპინძლებ ღამე მეფურად!

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>