„ეს ცოდვით სავსე ქვეყანა ეტყობა არავის ტოვებს შეუბღალავად. სანამ ცხოვრობ ნებსით თუ უნებლიეთ მაინც ცოდვილი და დამნაშავე ხდები ვიღაცის წინაშე, მაინც ბრალი მიგიძღვის, მაინც გითრევს ცხოვრება თავის ბედუკუღმართობაში”. – (ავტორი გენია.ჯი)

* * *

„ვისაც საკუთარი თავი არ უყვარს, მას არ შეუძლია უყვარდეს ადამიანი, საკუთარი ერის მოძულეს არ შეიძლება უყვარდეს კაცობრიობა”.

* * *

„თანაგრძნობა და მოფერება სუსტს სჭირდება მხოლოდ, ხოლო ძლიერი – თბილი და ნაცნობი მიწიდან ცივი და შეუცნობელი ცისკენ მიისწრაფვის ამირანის მსგავსად, ღმერთს რომ ცეცხლი მოსტაცოს და ღვთიური ცეცეხლის მომპოვებელ კაცს განა სიმარტოვე უნდა აფრთხობდეს?”

* * *

„ყველა ჩაგრული თანაგრძნობის ღირსია”.

* * *

„მშობელს შეუძლია გავლენა მოახდინოს შვილზე, მაგრამ ყველაზე მეტად ადამიანზე მოქმედებს დროის სული, და არავის ძალუძს საკუთარი ნება-სურვილით წარმართოს ვისიმე ბედ-იღბალი, რადგან ყველას თავისი ვარსკვლავი აქვს და მისდევს იმ ვარსკვლავს, და რაც კაცს უწერია, იმას წინ ვერ აღუდგები”. – (ავტორი გენია.ჯი)

* * *

„როგორი წინააღმდეგობებით არის აღსავსე ცხოვრება, რა რთული, ძნელი, ამოუხსნელი, უთანმიმდევრო და გაუგებარია ადამიანის ბუნება, ავისაგან კეთილს რომ გამოელის და სიკეთის დასამკვიდრებლად ბოროტებას რომ თესავს ხშირას”.

* * *

„მომავალი, ის რაც ჯერ არ მომხდარა, ისევე არსებობს, როგორც წარსული, უკვე მომხდარი”.

* * *

„ამხანაგს უნდა მიხედო, აბა?”

* * *

„გონება სულის საპყრობილეა”.

* * *

„ამ ცისქვეშეთში ყოველი არსი განწირულია და მხოლოდ სიკვდილის ჟამის უცოდნელობა უმაგრებს გულს ადამიანებს”. – (ავტორი გენია.ჯი)