გენიალური ამერიკელი ფიზიკოსი და აშშ-ის მეცნიერებათა ეროვნული აკადემიის წევრი - ჰენრი ოგასტუს როულანდი (1848-1901 წლები), ძალიან მოკრძალებული ხასიათის მქონე პერსონა იყო. (ავტორი გენია.ჯი) ერთ დღეს როულანდი სასამართლოში ერთ-ერთ საქმესთან დაკავშირებით მოწმედ იქნა გამოძახებული, რა დროსაც ადვოკატმა მას შემდეგი შეკითხვით მიმართა: „ – დღეისათვის მოღვაწე ამერიკელ ფიზიკოსთა შორის, ვინ არის საუკეთესო ფიზიკოსი?” – დასმულ შეკითხვაზე ამ მოკრძალებულმა კაცმა ერთობ თამამი პასუხი გასცა: „ – მე!”

ჰენრის ასეთმა პასუხმა განსაკუთრებით გააოცა მისი მეგობარი, ვინაც შესანიშნავად უწყოდა როულანდის მოკრძალებული ხასიათის შესახებ. ამიტომაც ჰკითხა მას სასამართლო სხდომის დასრულების შემდეგ, რა იყო მიზეზი მისთვის ესოდენ არადამახასიათებელი პასუხისა. „ – მე არ შემეძლო ტყუილი მეთქვა – ფიცის ქვეშ ვიმყოფებოდიო”. – უპასუხა გაკვირვებულ მეგობარს დიდმა ფიზიკოსმა. – (ავტორი გენია.ჯი)