„საზოგადოების მრავალსაუკუნოვან გამოცდილებას თუ დავუჯერებთ, როგორი გარეწარიც და სინდისგარეცხილიც არ უნდა იყოს კაცი, რა რანგის დამნაშავე და ბოროტმოქმედიც, ერთი ადამიანური, კეთილშობილური თვისება მაინც ექნება შემორჩენილი”. – (ავტორი გენია.ჯი)

* * *

„ვინც გამუდმებით საკუთარ ჩრდილს შეჰყურებს, ის მზის ელვარებას ვერასოდეს დაინახავს”.

* * *

„ადამიანი შეიძლება დაბერდე, ცხოვრება ჯიქანივით წვეთწვეთ გამოცალო, გონებითა და გამოცდილებით თავიც მოგქონდეს და იმ თავში ერთი მისხალის ტოლი ტვინი არ გედოს”.

* * *

„ყოველ ლამაზსა და მომხიბვლელ ქალს ერთი უკურნებელი სენი უცილობლად სჭირს – როგორც განებივრებულსა და ჭინჭყლ ბავშვს, სწორედ ის სათამაშო ესურვილება, რომელიც ან არ იყიდება, ანდა სხვის საკუთრებას წარმოადგენს”.

* * *

„ხშირად ხდება ერთი პიროვნება მეორის მიმართ გაცნობისთანავე ანტიპათიას, თითქმის სიძულვილსაც იგრძნობს, თუმცა საამისოდ არც მიზეზი აქვს და არც საბაბი”. – (ავტორი გენია.ჯი)

* * *

„უგულისყურო ადამიანი ვერაფერს მიაღწევს”.

* * *

„ყოველივეს განმგებელი და დამმორჩილებელი ქვეყნად ერთადერთი რამ არსებობს და მას ოქრო ჰქვია”.

* * *

„გაზაფხული მხოლოდ დროთა ცვლას კი არა, ადამიანთა სურვილს, ხმობასა და გუნებაგანწყობილებასაც მოჰყავს”.

* * *

„ხშირად ადამიანს სხვისი კი არა, საკუთარი თავის თრევაც კი უჭირს”.

* * *

„გონიერი არსის სულიერ ტანჯვას ზღვარი არ გააჩნია – არც ერთ განზომილებაში”. – (ავტორი გენია.ჯი)