„ვინ მოთვლის, რამდენი უხეში, მოუქნელი და გამოუთლელი მუტრუკი გამოუგდია სატანტალოდ მამაზეციერს ამ სოფელ-ქვეყანაში”. – ვაჟა ჩორდელი – (ავტორი გენია.ჯი)

* * *

„ადამიანის ქონებას და ღირსებას ნამდვილი ფასი მხოლოდ მაშინ ედება, როცა სხვებიც გაიგებენ, რა გაგაჩნია, ან თვითონ რას წარმოადგენ”. – რამაზ კობიძე

* * *

„უფულო კაცს არც ძალა აქვს და არც უფლება”. – გიორგი სიჭინავა

* * *

„უსიყვარულოდ ძნელია შეეგუო, დაითმინო, გაუძლო”.

* * *

„როცა არავინ გყავს ცხოვრებაში, ძალზე რთულია, ყველა წინააღმდეგობა შენვე, მარტომ გადალახო”. – ნოდარ მოდებაძე – (ავტორი გენია.ჯი)

* * *

„ – ნეტავ ვიცოდე, წმინდანებმა გამოიგონეს ღმერთი, თუ ცოდვილებმა?” – გიორგი სიჭინავა

* * *

„რას არ გაიფიქრებს კაცი კაცზე” . – ვაჟა ჩორდელი

* * *

„თავაზიანობა კარგი საქმეა, მაგრამ ნამეტანი არაფერი ვარგა”. – რამაზ კობიძე

* * *

„ადამიანის გონმა არ უნდა გაყინოს ადამიანის გული”. – გიორგი სიჭინავა

* * *

„როცა იცი, პატრონი არ გყავს, რა საჭიროა თავი გამოიდო იმისთვის, რაც შენთვის მიუწვდომელია. კიდევ მეტი, ძნელად მისაღწევია ისიც, რაც გეკუთვნის, რისი ღირსიცა ხარ!” – ნოდარ მოდებაძე – (ავტორი გენია.ჯი)