„აკრძალული ხილი” შემწვარი ფაქტებით – ჯოჯოხეთის სამზარეულოს საფირმო კერძია”. - (ავტორი გენია.ჯი)

* * *

„სამოთხე – ეს არის ბაღი, სადაც „აკრძალული ხილის” დაგემოვნებაა შესაძლებელი”.

* * *

„ვინც არ რისკავს, ის არც ჭამს „აკრძალულ ხილს”. შედეგად, მისი კვების რაციონი დაბალანსებული კი არის, თუმცა მეტად მოსაწყენი და უგემურია”.

* * *

„აკრძალული ხილის” ასორტი ყველაზე გემრიელია”.

* * *

„მოუმწიფებელი „აკრძალული ხილი” ნებადართულ დამწიფებულ ხილზე ტკბილია”. – (ავტორი გენია.ჯი)

* * *

„ყველაზე იოლად პირს „აკრძალული ხილის” მირთმევა კეტავს”.

* * *

„ისტორიაში პირველი დიკრიმინაციის შემთხვევა სამოთხეში იქნა დაფიქსირებული. „აკრძალულ ხილად” ვაშლის არჩევამ სხვა დანარჩენი სახეობის ხილის უკმაყოფილება გამოიწვია”.

* * *

„აკრძალული ხილი”, როგორც წესი, განხეთქილების ვაშლია”.

* * *

„აკრძალული ხილი” დიეტური კვების მენიუში არ შედის”.

* * *

„მორალისა და ზნეობის დაცემასთან ერთად, „აკრძალული ხილი” მორიგე კერძად იქცა ადამიანებისთვის”. – (ავტორი გენია.ჯი)