„ადამიანის წარსული არის მისი ნაცხოვრები წლების მწლატეგემოიანი სასმელი, რომელსაც შეუძლია დაუთრობლად აგატიროს და გაცინოს უსიხარულოდ…” – (ავტორი გენია.ჯი)

* * *

„ადამიანის ცვალებადი ბუნებისათვის მეგობრობა მძიმე ტვირთია”.

* * *

„ძნელი ყოფილა სხვისთვის შენი ოცნებების თქმა, ძნელია, შენი სიხარული სხვას გააგებინო, იმიტომ, რომ უხერხულობაც ურევია, ურევია გაბედულებაც, გადაჭარბებაც, გულუბრყვილობაც და თავხედობაც კი”.

* * *

„გოგოების ამბავი ხომ მოგეხსენებათ, ყველას ერთი და იგივე ვიღაც მოსწონს, მაგრამ იძულებულები არიან სხვა და სხვა აირჩიონ, გემოვნებას სწირავენ ბუნების წეს-კანონს…”

* * *

„ეჭვი სიყვარულისთვის მოიგონა ღმერთმა, როგორც უჰაეროდ არ დაიწვის სანთელი, ისევე ვერ დაინთება სიყვარული ეჭვის გარეშე”. – (ავტორი გენია.ჯი)

* * *

„ყველაფერი დასრულდება, ამბავიც, თავგადასავალიც, ომიც, მშვიდობაც, ქვეყანაც და სამყაროც კი, მაგრამ არასოდეს დასრულდება ერთი ადამიანი, დიახ, ერთი!”

* * *

„ვაჟა-ფშაველას მერე ბუნებაზე წერა თავმოყვარეობის უქონლობაა, „ჩხიკვიც” კი არ უნდა თქვას პატიოსანმა მესიტყვემ, არა თუ „შვლის ნუკრი”.

* * *

„სამწუხაროდ, იმედი მუდამ რაღაცაზეა დამოკიდებული, მუდამ სასწორზე დევს და საფრთხეშია”.

* * *

„ტყუილად სჯერა ადამიანს, რომ ვერ ხედავენ!..”

* * *

„სიკვდილი არ მინდა. იმიტომ კი არა, რომ მეშინია, იმიტომ, რომ ეს სილამაზე ისევ იქნება და მე ვეღარ დავინახავ”. – (ავტორი გენია.ჯი)