„როგორც სჩანს, სიავე ისევე შეუმუსრავი ყოფილა ამქვეყნად, როგორც სიცოცხლე თავათ”. – (ავტორი გენია.ჯი)

* * *

„ქრისტე თავის მოწაფეებს დიახაც ფეხებს ჰბანდა, მაგრამ ფეხის ბანას მათ არ ანებებდა”.

* * *

„სინათლე ბნელს მორევიაო რომ დაწერილა, ეგ ჯერხანობით კეთილი სურვილების გამჟღავნებაა მხოლოდ”.

* * *

„თითქმის ყოველი ნადირი ძღება თურმე. ლომი რომ ლომია, იგიც. გაძღება თუ არა ლომი, თავისი მსხვერპლის კბილებით დაბრდღვნის უნარს ჰკარგავს ხოლმე, მაგრამ ტურები, ტურები არასოდეს ძღებიან”.

* * *

„კაცობრიობის უბედურება ეგაა, რომ ბარბაროსები მუდამ სჭარბობდნენ ამ მიწაზე”. – (ავტორი გენია.ჯი)

* * *

„დიაცისათვის სილამაზე ისევე მიუცილებელი სიქველეა, როგორც ვაჟკაცისათვის სიმამაცე”.

* * *

„ხალხი ბალღსა ჰგავს ერთ რამეში: მას ყოველთვის ეჩქარება ის აუსრულონ, რისი ახდენაც სანუკვარია მისთვის”.

* * *

„ზოგჯერ შესაძლოა, ვითომდაც მეგობარში აღმოაჩინო მტერი”.

* * *

„გადაჭარბებული სტუმართმოყვარეობა ისევე სააუგოა, როგორც წრეგადასული სიძუნწე”.

* * *

„ჩემი მტრები ჩემი მასწავლებლებიც ყოფილან ხანდახან”. – (ავტორი გენია.ჯი)