ნოდარ დუმბაძის ერთი მრავლისმეტყველი ჩანახატი
„ – მეგობარო, გაჩერდით ერთი წუთით, მიპასუხეთ, რა არის სამშობლო? – ვაჩერებ ქუჩაში გამვლელს.
- მე მეკითხებით? – მეუბნება განცვიფრებული გამვლელი.
- დიახ, თქვენ, იქნებ არ იცით?
- როგორ არ ვიცი, მაგრამ ასე უცებ, დაუფიქრებლად, ქუჩაში…
- დიახ, ასე უცბად, დაუფიქრებლად ქუჩაში…
- ასე უცბად, დაუფიქრებლად და ქუჩაში სამშობლოსათვის სიკვდილი შეიძლება, მაგრამ იმის თქმა, თუ რა არის სამშობლო, არ შეიძლება, ბატონო, – მიპასუხა მან და ჩქარი ნაბიჯით მცილდება”. – (ავტორი გენია.ჯი)