არ შემხვედრია ცხოვრებაში არც ერთი კაცი,

 სხვა ნაკლთან ერთად, რომ ეს ერთიც არ ჰქონდეს ნაკლი:

შესაძლებლობას თვალშისაცემს შეგამჩნევს რაკი, -

სურს: იყო კარგი, ოღონდ არა თვით მასზე კარგი!

* * *

ჯერ კაცსა ამას, შურიანი არ ეთქმის კაცი! -

რას ერჩი! – ქებულს, – შენც ქებული, – რომ იყო უნდა!

მაგრამ თუ ერთხელ შენ ამ კაცის შეგაქეს თვალწინ, -

მისი ეს ნაკლი მყის შენდამი იქცევა შურად!

* * *

მერე კი, – მორჩა!

იგი უკვე მტერია შენი!

ნურა სიკეთეს უკვე ნუღარ მოელი მისგან!

მტრად რომ გიქციოს მეგობარი

(თან – ასე ხელად), -

ამისთვის ზოგჯერ ეს პაწიაც კი კმარა ბიძგი!