1. ესპანეთის დედაქალაქ მადრიდში დღემდე ფუნქციონირებს 1725 წელს გახსნილი რესტორანი, სახელწოდებით – „სობრინო დე ბოტინი”, სადაც გარკვეული ხნის განმავლობაში მიმტანად მუშაობდა ისეთი გენიალური ესპანელი ფერმწერი, როგორიც გახლდათ – ფრანსისკო გოია. – (ავტორი გენია.ჯი)

* * *

2. მსოფლიო ოკეანის უღრმეს ადგილს, რომელიც – „მარიანას ღრმული”-ს სახელწოდებით არის ცნობილი, ამერიკის შეერთებულმა შტატებმა 2009 წელს „ეროვნული ძეგლის” სტატუსი მიანიჭა.

* * *

3. სიტყვა – „როიალი”, პირველად 1777 წელს გამოჩნდა ლექსიკონში.

* * *

4. თეთრი დათვის ლათინური სახელწოდება – „Ursus Maritimus” თარგმანით – „ზღვის დათვს” აღნიშნავს.

* * *

5. ჭადრაკში მსოფლიო ჩემპიონთა (მამაკაცთა და ქალთა შორის) 54% ებრაული წარმომავლობის მქონე მოჭადრაკეები გახლავან. – (ავტორი გენია.ჯი)

* * *

6. გარდა უნიკალური ვიოლინოებისა, გენიალური იტალიელი ოსტატი – ანტონიო სტრადივარიუსი გიტარებსაც ამზადებდა. სამწუხაროდ, დღეისათვის მის მიერ დამზადებული გიტარის ერთადერთი ეგზემპლარიღაა შემორჩენილი.

* * *

7. გერმანელი მედიკოსები პირველები გახლდნენ მსოფლიოში, რომლებმაც ადამიანის მიერ თამბაქოს მოხმარება კიბოს საშინელი სენის გაჩენასთან დააკავშირეს.

* * *

8. ჟირაფებს ერთი უჩვეულო თვისება ახასიათებთ: უმეტეს შემთხვევებში ისინი სწორედ იქ მშობიარობენ, სადაც თავად მოევლინენ ქვეყნიერებას.

* * *

9. კანადაში არსებულ „ნაჰანის ეროვნულ პარკს” ისრაელის სახელმწიფოზე გაცილებით დიდი ტერიტორია უჭირავს.

* * *

10. საკვირველია, თუმცა ფაქტია, რომ ბანანის ყველაზე დიდი პლანტაციები ევროპაში განთავსებულია „ყინულოვან ქვეყნად” წოდებულ – ისლანდიაში. აღნიშნულ ქვეყანაში ეს ეგზოტიკური ხილი გეოთერმული ენერგიის ხარჯზე გამოჰყავთ სათბურებში. – (ავტორი გენია.ჯი)