„მეორემ პირველზე მეტი იცის, ხოლო ბოლოს მთქმელმა ყველაზე უმეტესი!” - (ავტორი გენია.ჯი)

* * *

„არიან უბადრუკი ადამიანები, რომლებიც წუთისოფლის ერთი-ორი დღისათვის მზად არიან დასთმონ და დაჰგმონ… ღმერთი და ხატი, ადამიანობა და სამშობლო… მაღლამიზანი და სიყვარულ-პატიოსნება… ოღონდ იცოცხლონ და იცხოვრონ… წვირიანი პირსახოცივით ათრიონ თავის გამოფიტული სული და სხეული… ისუნთქონ თავისივე მოწამლული ჰაერით… და ჭამონ თავისი შებილწული, არამი პური!!”

* * *

„წაღმა სიმკაცრე სჯობია, უკუღმა ლმობიერებას!”

* * *

„ეჰ, მომავლის დარდი ვის არ აწუხებს?! ზოგს შეგნებულად აწუხებს, საზრიანად, ზნემაღალად, ზოგს შეუგნებლად, უმწიფარად და მეტად კერძოდ… თავისი ღვიძლის მიყრუებული ტკივილივით.”

* * *

„ლმობიერება – გამარჯვებულთა უსათნოესი და უფაქიზესი იარაღია!” – (ავტორი გენია.ჯი)

* * *

„ხშირ შემთხვევაში ძალაუფლება უარყოფით თვისებებს უმახვილებს ადამიანს”.

* * *

„ზნემაღალი ქვეშევრდომი სჯობია უზნეო მეფეს!!”

* * *

„წიგნი კეთილი მღვდელივით უნდა იყოს. თუ მრევლი არ მოუვიდა, თავად უნდა მივიდეს მრევლთან!”

* * *

„არის ისეთი განსაცდელიც, რომელიც საშინლად უმახინჯებს ცხოვრებას ადამიანს!”

* * *

„გულში ჩამჯდარი ეჭვი მავნეა, მავნე… უფრო მეტიც – დამღუპველი!” – (ავტორი გენია.ჯი)