აღმოსავლეთ აზიაში, კორეის ნახევარკუნძულზე განთავსებულ ქვეყანაში – კორეის სახალხო დემოკრატიულ რესპუბლიკაში, რომელსაც ცნობისათვის, მხოლოდ ორ სახელმწიფოსთან – მალაიზიასთან და სინგაპურთან გააჩნია უვიზო მიმოსვლა, საერთო ჯამში 4 სატელევიზიო არხი ფუნქციონირებს. პირველი და წამყვანი სატელევიზიო არხი გახლავთ – ჩრდილოკორეული „ცენტრალური ტელევიზია”. (ავტორი გენია.ჯი) ამ პროპაგანდისტულ არხზე მოსახლეობა ეცნობა ახალ ამბებსა და ხელისუფლებისაგან მომავალ საგანგებო შეტყობინებებს. მეორე სატელევიზიო არხს წარმოადგენს – „მანსუდეს ტელევიზია”. იგი საგანმანათლებლო დანიშნულებისათვის არის განკუთვნილი; მესამე სატელევიზიო არხი გახლავთ – „რიონამსანის ტელევიზია”, რომლის ეთერშიაც სტუდენტებისათვის სპეციალური საგანმანათლებლო პროგრამებია წარმოდგენილი. და ბოლოს – ათლეტური ტელევიზია. ამ სპორტულ არხზე ადგილობრივი სპორტული ღონისძიებების გაშუქება მიმდინარეობს. გარდა ამისა, იქვეა შესაძლებელი სპორტზე მიძღვნილი დოკუმენტური ფილმების სერიების ყურებაც. – (ავტორი გენია.ჯი)