ფრენსის პერკინსი – „ეპიზოდი”

1911 წლის 25 მარტს, ნიუ-ორკში განთავსებულ ერთ-ერთ უდიდეს სამკერვალო საწარმოში – „Triangle Shirwaist”-ს ხანძარი გაჩნდა, რასაც საუბედუროდ – 146 ადამიანის სიცოცხლე ემსხვერპლა, რომელთაგანაც 123 მათგანი ქალი გახლდათ. (ავტორი გენია.ჯი) ამ უკიდურესად ტრაგიკულ მოვლენას სხვა უამრავი ადამიანის მსგავსად, თვალს ადევნებდა სამკერვალო ფაბრიკის სიახლოვეს მყოფი ქალბატონი, ვის სახელსა და გვარს - ფრენსის პერკინსი (1880-1965 წლები) წარმოადგენდა. იგი საკუთარი თვალით ხედავდა, თუ როგორ ხტებოდნენ და იხოცებოდნენ ცეცხლმოკიდებული შენობის მაღალი ფანჯრებიდან გადმომხტარი ადამიანები.

ნანახმა იმდენად დიდი შთაბეჭდილება მოახდინა მასზე, რომ ფრენსისმა უმალვე გადაწყვიტა ბრძოლა მუშა-მოსამსახურეთა უსაფრთხო სამუშაო პირობების გასაუმჯობესებლად. ამაში პერკინსს აშშ-ის ლეგენდად ქცეულ პრეზიდენტთან – ფრანკლინ დელანო რუზველტთან მეგობრობამაც შეუწყო ხელი. ქვეყნის ხელისუფლებაში მოსვლის შემდეგ, რუზველტმა შრომის მინისტრად სწორედ რომ ფრენსის პერკინსი დანიშნა. შედეგად, იგი აშშ-ის ისტორიაში იქცა პირველ ქალბატონად, რომელსაც პატივად ხვდა მინისტრთა კაბინეტის წევრად გახდომა. აქვე საყურადღებოა ის გარემოებაც, შინაგან საქმეთა მინისტრი – ჰაროლდ იკესი და თავის საქმიანობაში ერთობ წარმატებული შრომის მინისტრი – ფრენსის პერკინსი იყვნენ ერთადერთი წევრები რუზველტის მინისტრთა კაბინეტისა, რომლებმაც თავიანთი თანამდებობები არასოდეს დაუტოვებიათ ფრანკლინის პრეზიდენტობის ხანგრძლივი პერიოდის განმავლობაში. ანუ, 1933-1945 წლებში. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>