ტარიელ ჭანტურია – „არაფერი არ გამოვა ამით”
არაფერი არ გამოვა ამით -
მარტო სმით და მხოლოდ კაი ჭამით!
ამიტომაც ერთ მშვენიერ დამით…
რა თქმა უნდა, საყვარელი ღამით…
ერთს გადათვლი: „ერთი! ორი! სამი!”
და ცხოვრების ნაგროვები შხამით
მიხვალ, სადაც დედისა და მამის
სიმშვიდეა ცივ და ყრუ აკლდამის…
თავუკუღმა შებრუნდება ჟამი
და დასასრულს შეცვლის დასაბამი!
იშრიალებს ღამის მოსასხამი!
* * *
არაფერი
არ გამოვა
ამით…