გია ფერაძე – „ჩემი ცხოვრება”
ჩემი ცხოვრება უშენოდ
დიდი ჩამქრალი მზე არის,
დღეს შენი დაბადების და
ჩემი სიკვდილის დღე არის.
* * *
დღეს განწყობა მაქვს ისეთი,
მინდა რომ შენზე ვილოცო,
ეს შენი დაბადების დღე
სადა ხარ, სად მოგილოცო?!
* * *
უნდა დაფიქრდე რომ საქმე,
სატირლად არ გაიხადო,
ნეტავ შენს გვერდში მამყოფა,
დღეობა გადაგიხადო.
* * *
დღეს ჩემი გული არ ფეთქავს
გაქვავებული ხე არის,
დღეს შენი დაბადების და
ჩემი სიკვდილის დღე არის.