„ყოველგვარი საუბარი, კამათი, პოლემიკა იმავე წუთს კარგავს აზრს, რა წუთსაც მოკამათენი გადიან საკამათო სფეროდან და ერთმანეთის პიროვნულ წყენინებას ერთგვარი არგუმენტაციის დატვირთვას აძლევენ”. – (ავტორი გენია.ჯი)

* * *

„ქართულს ყველაფერს სხვა გემო აქვს”.

* * *

„ფასი დაკარგა, ფასი, ადამიანმა, და რადგან ერთმანეთის თვალში ფასი აქვთ დაკარგული, ყოველი მათგანი ცდილობს საკუთარ თავს თვითონ დაადოს ფასი, რის გამოც თითოეულ მათგანს გულისამრევი ეგოიზმი იპყრობს”.

* * *

„ცხოვრებით დაღლილობა და მარტოსულობა წარმოშობს ორიგინალურს, თამამსა და მშვენიერ აზრებს, მაგრამ იგივე აძლევს დასაბამს შეუსაბამოს, უკუღმართსა და დაუშვებელ განსჯასაც”.

* * *

„დღეს არავითარი მნიშვნელობა არა აქვს, ვინ მართალია და ვინ მტყუანი, ვინ ზნეობრივი და ვინ უზნეო, ვინც საინფორმაციო ომში იმარჯვებს, ისაა მართალიც, კეთილიც და ზნეობრივიც”. – (ავტორი გენია.ჯი)

* * *

„მთავარია, რომ ერთმანეთის პატივისცემა და სიყვარული შევინარჩუნოთ”.

* * *

„კაცმა თუ დარდი გულში ჩაიხვია, მოკვდება”.

* * *

„ყოველი ადამიანი თავისთვის ყველაფერს ნიშნავს, სხვისთვის კი თითქმის არაფერს”.

* * *

„ნამდვილ უდაბნოზე გაცილებით უარესია უდაბნოდ ქცეული გული და სული და გონება ადამიანთა”.

* * *

„ვისაც თავი უმუშავებს, ის მშიერი არასოდეს დარჩება”. – (ავტორი გენია.ჯი)