ლეონიდ ბრეჟნევი – „ეპიზოდი”
ჯანმრთელობის გაუარესების გამო, 1970-იანი წლების მეორე ნახევარში კრემლის ექიმების დაჟინებული მოთხოვნის საფუძველზე ლეონიდი იძულებული გახდა თამბაქოს მოხმარება მიეტოვებინა. თუმცა… მას შემდეგ ლეონიდს ხშირად დაჰყვებოდა ხოლმე ეგრეთ წოდებული – „სიგარეტის მწეველთა დანაყოფები”, რომლებიც ვალდებულნი იყვნენ დრო და დრო მოეწიათ ლეონიდის თანდასწრებით სიგარეტი და კვამლი, რომლის სურნელიც ასეთ სიამოვნებას ანიჭებდა მას, მისი პირისახისაკენ გაეშვათ. ამ უცნაური მეთოდის გამოყენებას საბჭოთა გენსეკი პარტიულ მეგობრებისგანაც ხშირად მოითხოვდა.
ბრეჟნევის პირადი დაცვის ხელმძღვანელის – ვლადიმერ მედვედევის გადმოცემით, ლეონიდისათვის ნორმად ყოფილა ქცეული ზემოაღნიშნული „რიტუალის” შუა ღამით აღსრულება, რისთვისაც ყოველთვის სრულ მზადყოფნაში იმყოფებოდა „სიგარეტის მწეველთა დანაყოფები”. – (ავტორი გენია.ჯი)