მენელიკ II – „ეპიზოდი”
„მეფეთა მეფედ” წოდებული ეთიოპიის იმპერატორი - მენელიკ II (1844-1913 წლები), ვინაც ადის-აბება ქვეყნის დედაქალაქად აქცია თავის დროზე, განსაკუთრებით მოიხიბლა სიკვდილით დასჯის ისეთი ინოვაციური მოწყობილობით, როგორიც გახლდათ მაშინ – „ელექტრო სკამი”. (ავტორი გენია.ჯი) მისი მოწონება ამ ავადსახსენებელი მოწყობილობისადმი იმდენად დიდი იყო, რომ მონარქმა პირადი შეკვეთის საფუძველზე სამი ეგზემპლარი „ელექტრო-სკამი” მიიღო ამერიკის შეერთებული შტატებიდან. მენელიკის მძაფრი სურვილი გახლდა, რომ ამიერიდან ეთიოპიაში სიკვდილმისჯილები „ელექტრო-სკამის” გამოყენებით გაესტუმრებინათ იმიერში. მისდა სამწუხაროდ, ეთიოპიის იმპერატორი ისე აღესრულა, რომ „ელექტრო სკამის” დანიშნულებისამებრ გამოყენებას ქვეყანაში ვერა და ვერ მოესწრო. ამის მიზეზი კი ერთ უბრალო გარემოებაში მდგომარეობდა: იმ პერიოდის ეთიოპიაში ელექროობა საერთოდ არ არსებობდა. – (ავტორი გენია.ჯი)
ელექტრო-სკამი