1. ძაღლისგან განსხვავებით, კატას არ შეუძლია არ იკვებოს ცხოველური წარმოშობის საკვებით, და მაშასადამე, არ შეუძლია იყოს ვეგეტარიანელი. ასეთ შემთხვევაში კატას ჯერ დაბრმავება ელის, შემდგომ კი სულაც სიკვდილი. - (ავტორი გენია.ჯი)

* * *

2. ჩვენი პლანეტის ერთ-ერთი უდიდესი არსების – კაშალოტის კბილი ერთ კილოგრამამდე იწონის.

* * *

3. აშშ-ის პირველი პრეზიდენტი, ვინაც თეთრ სახლში პირად მდივნად შავკანიანი ადამიანი (გოგონა) აიყვანა სამუშაოდ, ქვეყნის რიგით 36-ე პრეზიდენტი – ლინდონ ჯონსონი გახლდათ. გოგონას სახელი კი – ჯერალდინ ვაშინგტონი იყო.

* * *

4. ებრაული წარმომავლობის მქონე ერთ-ერთმა შვედმა მილიონერმა – იოჰან ელიაშმა, 2005 წელს ამაზონის გაუვალ ჯუნგლებში 400 000 აკრი მიწა ერთადერთი მიზნით შეისყიდა: გადაერჩინა ტყე განადგურებისაგან.

* * *

5. ისტორიის ადრეულ ეტაპებზე, ანტარქტიდის ყინულოვან კონტინენტზე ბინადრობდნენ გიგანტური პინგვინები, რომელთა სიმაღლე 2 მეტრს შეადგენდა. – (ავტორი გენია.ჯი)

* * *

6. ჩვენს სამყაროში ყველაზე იდეალური სფეროს ფორმა – მზეს გააჩნია.

* * *

7. დღეისათავის ბოტანიკოსებისათვის კაქტუსის 1 750 სახეობაა ცნობილი.

* * *

8. საკვირველია, თუმცა ფაქტია, რომ ისეთ გერმანელ კომპოზიტორს, როგორიცაა – ჰანს ციმერი, ავტორს მუსიკებისა მხატვრული ფილმებისათვის – „გლადიატორი”, „კარიბის ზღვის მეკობრეები”, „უკანასკნელი სამურაი”, არანაირი მუსიკალური განათლება არ გააჩნია.

* * *

9. ამერიკის შეერთებული შტატების პრეზიდენტის – ჯონ ფიცჯერალდ კენედის მკვლელობაში ბრალდებული – ლი ჰარვი ოსვალდის დაკრძალვას არც ერთი მისი ნათესავი და ახლობელი არ დასწრებია. შედეგად, მისი კუბოს საფლავში ჩასვენება იმ რეპორტიორებს მოუხდათ, რომლებიც ოსვალდის დაკრძალვის პროცესიას აშუქებდნენ.

* * *

10. ჟესტების ენას მსოფლიოს ორმოც ქვეყანაში ოფიციალური ენის სტატუსი აქვს მინიჭებული. – (ავტორი გენია.ჯი)