ისიკავა ტაკუბოკუს რამდენიმე ტანკა
ყოველი კაცის
სულსა და გულში
თუ იგი მართლა კაციშვილია,
მუდამ ფარული
ტუსაღი კვნესის.
* * * * * * *
„დაგკრავ!”
მეტყოდნენ.
„დამკარ!” – ვეტყოდი…
ნეტავი ისევ
ის გული მქონდეს…
* * * * * * *
თუ მკითხა ვინმემ, რა არის სევდა,
ჩემი პასუხი მხოლოდ ერთია:
სევდა -
ეს არის სიცოცხლის გემო,
მე ეს ვიგრძენი ძალიან ადრე!
* * * * * * *
გრიგალმა სოფელს გადაუარა
და ერთ ღამეში
სილამიწის გორაკი დადგა…
საფლავი ვისთვის?
* * * * * * *
„განა ამისთვის
ღირს კი სიკვდილი?”
„განა ამისთვის
ღირს კი სიცოცხლე?”
ო, მიანებე თავი ამ კამათს.