ლევან გოთუა წერდა…

„ეს თუ „გაგვაპატიოსნებს”, მხოლოდ ეს! ერთიან ქართული ზრახვისათვის ცდილობა… რის ხარჯზეც არ უნდა იყოს იგი”. - (ავტორი გენია.ჯი)

* * *

„დიდ უმრავლესობას წვრილბუნებობა სჭირს: „ხასიათში, ზრახვებში, ქცევებში… კვინიხიდან-ტერფებამდე ბნელეთის დაღი და ბზარი აზის… ნახევრად ცუდი, ნახევრად კარგი თვისებანი დააქვთ ხურჯინივით გადაკიდებულ-გადახვეული… ზოგთ – უმცირესთ ცოტა ცუდი, ბევრი კარგი. უფრო კი ბევრი ცუდი, ცოტა კარგი… იოტის ოდენა, ძლივს საპოვნი… როგორც ცხრა შეკვრა ჭილობში დაკარგული წვნიკი თვალი მარგალიტისა”.

* * *

„ადამიანის თვისებათა სულის ჩამდგმელი – ზნეობაა”.

* * *

„გულარხეინობა ბუნებით მძაგს”.

* * *

„რაც უფრო ახლოა ნათესავი, მით უფრო მძაფრია გათიშვა!” – (ავტორი გენია.ჯი)

* * *

„არიან ისეთებიც, რომლებიც პატიმრების დანაშაულთა განსჯას კი არ ანდომებენ დროს, არც არვის ამტყუნებენ, ან ამართლებენ… არც ჰპირდებიან რასმე… არამედ პყრობილ ადამიანთა გულებში გაბოროტებას ებრძვიან, სათნოებას აღვივებენ”.

* * *

„რაც სხვამ ხმლით მოიმკას, შენ სიბრძნითა და შორსმარაგიან განზრახვით დაუთავე”.

* * *

„მხოლოდ ბორკილის მჭახე შეჩხრიალი მისწვდა მის სმენას, პატიმრის აქყოფნა ამცნო.

- სანთელი!

- ნება არ არის! „თორღვაული” გახლავთ! ბნელში ჯდომა აქვს მისჯილი!

- სალოცავი სანთელი! ამის დაშლა არავის ძალუძს მიწიერს… მათ შორის მეფესაც. იცოდე ეს!”

* * *

„ერთად ვიკითხოთ დაბადება, ძველსა და ახალს აღთქმას ვეზიაროთ თავით ბოლომდე… იქნებ გულს ემეცნიეროს ღვთიური სიტყვა! მრავალ ცდუნებას გვაშოროს და ტანჯვა-სევდა მოგვიოხოს!” – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>