1. მეცნიერთა მტკიცებით, ორფრთიანთა რიგის „ვამპირი-მწერები” – კოღოები, რომელთა 3 600 სახეობაცაა დღეისათვის გავრცელებული ბუნებაში, 243 მილიონის წლის წინათ გაჩნდნენ პირველად დედამიწაზე. პირველი კოღოები, რომელთა სახელწოდებაც გახლავთ – „ანიზინოდუსები”, თანამედროვე ეპოქის კოღოებისგან დიდად არ განსხვავდებოდნენ, თუმცა-კი მათზე გაცილებით დიდი ზომისანი იყვნენ (ისინი სიგრძით 5 – 6 სანტიმეტრს აღწევდნენ). – (ავტორი გენია.ჯი)

* * *

2. კოღოების სიცოცხლის ციკლი ერთობ ხანმოკლეა: მამრები 5 – 6 კვირის განმავლობაში ცოცხლობენ, მდედრებს კი მათთან შედარებით უფრო გაუმართლათ, რადგან ორჯერ ხანგრძლივი ვადით ძალუძთ სიცოცხლის შენარჩუნება. არის შემთხვევები, როდესაც მდედრ კოღოებს 3 თვეზე დიდი ხნის განმავლობაში უგრძელდებათ სასიცოცხლო ციკლი.

* * *

3. საინტერესოა ის გარემოება, რომ კოღოების ზოგიერთი სახეობა ადამიანის სისხლის მსგავსად იკვებება სხვადასხვა სახეობის ძუძუმწოვარი და წყალხმლეთა ცხოველების სისხლითაც. თქვენ წარმოიდგინეთ, გვხვდებიან ისეთი სახეობის კოღოებიც, რომლებიც თევზების სისხლსაც კი შეექცევიან.

* * *

4. ცნობილი ფაქტია, რომ ადამიანს მხოლოდ მდედრი კოღოები წოვენ სისხლს. მამრები მხოლოდ და მხოლოდ ნექტრით იკვებებიან. საერთო ჯამში, იმ სახეობის კოღოების რაოდენობა, რომლებიც ადამიანის სისხლს ეტანებიან, ბუნებაში სულ რაღაც 200-ია 3 600 სახეობიდან.

* * *

5. კოღოების ფრენის საშუალო სიჩქარე – 2 კილომეტრია საათში. – (ავტორი გენია.ჯი)

* * *

6. კოღოები ფრთების მოძრაობის სისწრაფით გამორჩეული მწერებია (წამში 300 -600 ფრთის დარტყმა), რაც გამოსცემს კიდეც იმ გულისგამაწვრილებელ (წუილის) ხმას, რომელიც ასე დიდ დისკომფორტს იწვევს ადამიანში.

* * *

7. მდედრი კოღო საშუალოდ 30-დან 150 კვერცხამდე დებს.

* * *

8. კოღოები დედამიწის ყველა კონტინენტზე არიან გავრცელებული. მათ შორის – ანტარქტიდის ყინულოვან კონტინენტზეც კი.

* * *

9. კოღოს ბასრ ნესტარს ხარის სქელ ტყავშიც ძალუძს გაღწევა.

* * *

10. ერთადერთი ქვეყანა დედამიწაზე, სადაც სპეციალურად იქნა განადგურებული სრულად კოღოები – სინგაპურია. – (ავტორი გენია.ჯი)