„რატომ, რისთვის იღწვის ადამიანი? რატომ არ ჯერდება ღვთის ბოძებულს? იბრძვის, ჯახირობს, უკეთესი და უკეთესი ცხოვრებისაკენ იქაჩება. რისგან რას გამოელის, რა უნდა, რა არ ასვენებს, როცა ბოლო ყველაფრისა ერთია; ყველაფერს მიწა შეჭამს, ადამიანის საფლავს დავიწყების ბალახი და ეკალი გადაუვლის”. – რეზო ჭეიშვილი (კინოგადაღება) – (ავტორი გენია.ჯი)

* * *

„ადამიანი მჭირდება გვერდით”. – ჯემალ რატიანი (მდინარისა და მთებს გაღმა)

* * *

„ – კოლა, შვილო, იცოდე, მამაშენი ერთი უბრალო ფოსტალიონი იყო, მაგრამ მთელი უბანი მაინც ტარიელ ივანიჩს ეძახდა. რატომ? კაცური ღირსება ჰქონდა და იმიტომ… აი, ხომ არაფერი გვაბადია…

- არაფერიც!

- რა-არაფერიც?!

- კაცური ღირსება კი არა!.. მოგიგონეს, ნააფიცრალიაო.

- ბიჭო! თუ ღირსება არაფერი გაქვს, ისე ვინ რას მოგიგონებს?!” – რამაზ კობიძე (ვერელი კოლა)

* * *

„ – კარგს ვერაფერს გადაეყრები კაცი. ნუთუ ყველაფერი უარესობისაკენ მიდის ამ ნეტარ წუთისოფელში?” – ჯემალ რატიანი (მდინარისა და მთებს გაღმა)

* * *

„ცოცხალი ადამიანი ან ვიღაცას წაეჩხუბები ან სხვა რაღაცა დაგემართება”. – რამაზ კობიძე (ნოდარია ბურძგლას შესანდობარი) – (ავტორი გენია.ჯი)

* * *

„ბუნებრივი ყოლიფერი კარგია”. – რამაზ კობიძე (სოკო-წითელი)

* * *

„განა ღამე არ არის ფიქრების ამაფორიაქებელი?” – ჯემალ რატიანი (მდინარისა და მთებს გაღმა)