დიდი ფრანგი ეგვიპტოლოგი,ლინგვისტი და ძველეგვიპტური იეროგლიფების გაშიფვრის პრინციპების პირველი შემოქმედი – ჟან-ფრანსუა შამპოლიონი (1790-1832 წლები),თავისი მოშურნე კოლეგების უბინძურესი ხრიკების გამოისობით კუთვნილი ჯამაგირის მხოლოდ ერთ მეოთხედს იღებდა.

1790 წელს საფრანგეთის სამხრეთში მდებარე პატარა დაბა ფიჟაკის მცხოვრებმა ალკოჰოლური სასმელების მოყვარულმა წიგნით მოვაჭრე ჟაკ შამპოლიონმა მთლად პარალიზებულ ცოლთან – ჟანა-ფრანსუაზასთან ადგილობრივი მისანი ჟაკუ მიიყვანა.