“ადამიანის ცხოვრება ისე ხანმოკლეა,რომ სხვისი შეცდომების ტვირთად აკიდება რაღა საჭიროა? ყველა თავისი სურვილის მიხედვით ცხოვრობს და თავის ვალს თვითონვე იხდის.სავალალო და სამწუხარო მხოლოდ ის არის,რომ ადამიანს ერთი შეცდომის გამო ასე დაუსრულებლად სთხოვენ პასუხს და ანგარიშს უსწორებენ.თვით ბედისწერა ადამიანთან ანგარიშის გასწორების დროს არასოდეს მას ვალმოხდილად არ თვლის.

“ოდეს ახალგაზრდობა ხელიდან გაგეცლებათ,მშვენიერებასაც უნდა დაემშვიდობოთ.ისიც თავისთავად გაფრინდება და მაშინ უცებ აღმოაჩენთ,რომ უზენაესი სიხარულისა და სამყაროს წინაშე გამარჯვების დიადი გრძნობა უკვე ჩამქრალა თქვენში.

“ჩვეულებრივი ადამიანები იცდიან,სანამ ცხოვრება თავის იდუმალებას თვით გადაშლის მათ წინაშე.მაგრამ ამქვეყნად მხოლოდ რჩეულთ აქვთ ბედნიერება,ეზიარონ მის საიდუმლოს ადრევე,ვიდრე თვით გადაიხსნის თვალშეუღწეველ პირბადეს.