„მუცელი უსირცხვილოა, ცხოვრებასავითაა, ვერც სიცარიელეს ითმენს, ვერც სისავსეს. სულ უნდა ავსო და აცარიელო, ავსო და აცარიელო”.

„ქალთა უმრავლესობას კატის ხასიათი აქვს თანდაყოლილი. როცა ეძალები და კუდში დასდევ, გაგირბის და ქარიშხალივით მაშინ მოვა, როცა არვინ უხმობს”.

„ლომიც კი უძლურია ირემთა რემის წინაშე”.

„ბედისწერას ვერც ერთი დარაჯი ვერ დაიჭერს!.. იგი შემოდის ხან თხელი, ვით ღრუბელი, საბურველით და შემოაქვს დოვლათი, წარმატება და ბედნიერება, ხან წვიმის ღრუბელივით მძიმე მოსასხამით და გვიქადის უბედურებას… ბედისწერა! ცხოვრების ქალბატონი! მისი სიყვარული და სიძულვილი თანაბრად საშინელია…”

„ვინც გაჭირვების ჟამს არ გამოგართმევს ფულს, როცა შენ გაქვს და მას კი არა, ის თვითონაც არაფერს მოგცემს, თუ გაგიჭირდა…”

„ლოცვისთვის – ადგილი კი არა, სულიერი განწყობაა საჭირო”.

„რამდენადაც დიდია საიდუმლო, იმდენადვე უჭირს ენის მქონებელ ადამიანისშვილს მისი შენახვა, გულში უთქმელად დამარხვა და დაკუბოვება”.

„ასი მკრან გულში, მირჩევნის, მტირალი ქალის ცქერასა”.