“სიბრძნის წუთი”

ერთ ბრძენთან ახალგაზრდა მამაკაცი მივიდა და ჰკითხა:

- მინდა ვიცოდე,რამდენი მეგობარი უნდა ჰყავდეს ადამიანს? – და იქვე დაამატა: ჩემი აზრით,რაც უფრო ბევრი მეგობრის ძებნას დაიწყებს კაცი,მით მეტად ხელოვნური გამოჩნდება მისი მისწრაფება მეგობრობისადმი და სწორედ ამიტომ არ მივიჩნევ აუცილებლობად ბევრი მეგობრის არსებობას.

- ხედავ იმ ვაშლის ხეს? – ხელი გაიშვირა იქვე სიახლოვეს მდგომი მაღალი ვაშლის ხისაკენ ბრძენმა.

- რა თქმა უნდა ვხედავ.

- ის ხე,ერთ-ერთი ყველაზე მაღალი ვაშლის ხეა დედამიწაზე.ახლა წადი და კენწეროში რომ ვაშლი მოჩანს ის მომიწყვიტე და მომიტანე, – მიმართა თხოვნით ბრძენმა ახალგაზრდას.

ეცადა ახალგაზრდა კაცი ხის კენწეროდან ვაშლის მოკრეფას მაგრამ არაფერი გამოუვიდა.

- ეს ძალიან მაღალი ხეა! მარტო ვერ შევძლებ ამ მისიის შესრულებას.

- დაუძახე შენს მეგობარს, – მიმართა ბრძენმა.

ახლაგაზრდამ თავის მეგობარს დაუძახა,შემდეგ მას ბეჭებზე შეადგა,თუმცა ვაშლის მოსაკრეფად არც ეს სიმაღლე ეყო.

- არა,არაფერი გამომდის, – დანანებით ჩაილაპარაკა ახალგაზრდამ.

- შენ-რა,მეტი მეგობარი არა გყავს? დაუძახე მათაც, – უთხრა ბრძენმა.

მან კიდევ რამდენიმე მეგობარს დაუძახა.მიუხედავად დიდი მცდელობისა,მათი სხეულებით აგებული პირამიდა ვაშლის დასაუფლებად საკმარისი სიმაღლის მაინც არ აღმოჩნდა.

- ახლა დარწმუნდი რამდენი მეგობარი უნდა ჰყავდეს ადამიანს?

- დიახ,დავრწმუნდი.ადამიანს ძალიან ბევრი მეგობარი უნდა ჰყავდეს,რომ ყოველგვარი პრობლემა გადაწყვიტოს.

- მე კი ასე ვიტყოდი: ან უნდა გყავდეს ძალიან ბევრი მეგობარი,ან მხოლოდ ერთი და ისიც ისეთი,რომელსაც ამ შემთხვევაში თავში აზრად მოუვიდოდა ასეთი მეთოდით კი არ მოგეწყვიტა კენწეროდან ვაშლი,არამედ ხისთვის კიბე მიედგა, – მიუგო ბრძენმა ახალგაზრდა კაცს და გზა დაულოცა. (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>