“ქალის ენა ყოველთვის არას ამბობს,გული კი ჰოს… ქალმა რო არას თქმა არ იცოდეს და ქალი რო მშიშარა,მორცხვი და შველივით ფრთხილი არ იყოს,ოროველა კამეჩი იქნებოდა და ცალგროშადაც არ ეღირებოდა”. – დიმიტრი მაჩხანელი (დილიმზე) – (ავტორი გენია.ჯი)

* * *

“ჰე,ჰე,აბა რა ვართ თვალგულგაუმაძღარი ადამიანები,რისთვინა ვძულდებით ერთმანეთს და რატომ არ გვესმის: დღეს თუ ხვალ ჩვენც მიწა-მტვრად ვიქცევით”. - დიმიტრი მაჩხანელი (დილიმზე)

* * *

“ერთ დღეს გაჩენილები ერთ დღესვე დავიხოცებით და ყველა თავის სიმართლითა ვცხონდებით და საუკუნით წავწყმდებით ამ ქვეყანათაც და იმ ქვეყანათაც.მაგრამ ადამიანის შვილი სულისათვინ არასა ზრუნავს და თავის თავი უკვდავუბერებელი ჰგონია”. - დიმიტრი მაჩხანელი (დილიმზე)

* * *

“ნათქვამია: ერთი კაი ვაჟკაცი მთელი ქვეყნის სიმდიდრეს ჰჯობიაო,იმიტო,რო სიმდიდრეც თვითონვეა და ვაჟკაციცო”. - დიმიტრი მაჩხანელი (დილიმზე)

* * *

“ვინც რა უნდა თქვასო,წისქვილმა კი ფქვასო.ძაღლის ყეფას და ენაჭარტალა ჭორიკანას ღავღავს იმათივე ყური უგდებს ყურს და არა ჭკვადამჯდარი ადამიანი”. – დიმიტრი მაჩხანელი (სიყვარულის ამბავი)

* * *

“მართალია,სიყვარულზე სანატრელი და კარგი სხვა არა გაუჩენია რა ღმერთს და ესაც ხო გაგვიგონია ხალხში: სიყვარული რო არ გაეჩინა ღმერთს,მთელი ქვეყანა უსულ-გულო ქაჯ-ეშმაკების ჯოჯოხეთი იქნებოდაო, და რა ადამიანის გულშიაც სიყვარული დაბერებულა და მომკვდარა,ის ადამიანი აღარასფერში ვარგებულაო.მაგრამ ესაც მართალია: ქვეყნის მალამოსანატრელ სიყვარულს იგეთი ენით გამოუთქმელი ტანჯვა-წამებაცა სცოდნია ადამიანისა,რო მთელი ცა-ქვეყნის ჯოჯოხეთის გენიაც ვერ დაგტანჯავს იგრე უწყალოდ,იგრე უღვთოდ,იგრე შეუბრალებლად”. - დიმიტრი მაჩხანელი (სიყვარულის ამბავი) – (ავტორი გენია.ჯი)

* * *

“მაშინ სიკვდილსაც ვიღა იჩივლებს,თუ ჩვენს შემდეგებს ეშველებათ რამე”. – სოფრომ მგალობლიშვილი (ზეციერო გამიღიმე) – (ავტორი გენია.ჯი)

* * *

“ძლიერნი ამაქვეყნისანი ღმერთსაც კი არ ინდობენ მოსაკლავად.ქვეყნად მშვიდობისა და სათნოების მომტანს იროდე მეფემ მოკვლა დაუპირა და აღხოცა უამრავი ყრმანი,”რომელნი იყვნენ ბეთლემს და ყოველთა საზღვართა მისთა,ორით წლითგანი და უდარესი”. - სოფრომ მგალობლიშვილი (ზეციერო გამიღიმე) – (ავტორი გენია.ჯი)

* * *

“ხალხის გული უძირო ზღვაა,იქ ბევრი რამ იმალება; რომ აქოთდება,ნაძირალი ამოაქვს და ბურთივით ისვრის აქეთ-იქით… იმის გულის ფიცარზე ყოველივე აღბეჭდილა,ღრმად აღბეჭდილა…” – სოფრომ მგალობლიშვილი (წითელი სარჩული)

* * *

” – დიდ კაცს დიდი შეცდომაც მოუვა…” - სოფრომ მგალობლიშვილი (წითელი სარჩული)