ამონარიდები ლორენს სტერნის ნაწარმოებიდან – „სენტიმენტალური მოგზაურობა საფრანგეთსა და იტალიაში”

„სიღატაკის შვილები გარს რომ შემოგეხვევიან,ნურავინ იტყვის, „ჯანდაბას მაგათი თავიო” – ეგ ხომ იგივეა,ძნელ გზას გაუყენოთ რამდენიმე წუთისოფელგაარმებული კაცი თუ ქალი,რომლებიც უმაგისოდაც შავ დღეში არიან”. – (ავტორი გენია.ჯი)

* * *

„ამქვეყნად საითაც არ უნდა გაიხედო,ყველგან ცოდვა-ბრალი ტრიალებს”.

* * *

„კაცი რომ კაცს დაუზავდება,მაშინვე ხელში ბუმბულზე მეტად შეუმსუბუქდება ხოლმე უმძიმესი ლითონთაგანი!”

* * *

„აბა,რა ფასი აქვს ამქვეყნიურ განცხრომას,თუ იგი ჩვენს სულში ღვარძლსა სთესავს და ესოდენ სათნო ძმათა ჩვენთა წაგვკიდებს და სამკვდრო-სასიცოცხლო ბრძოლას გვამართვინებს მათთან”.

* * *

„თუკი სულ რამდენიმე სიტყვა იკმარებს შავ დღეში ჩავარდნილი არსების გამოსახსნელად,რა შესაყვარებელია კაცი,ამ სიტყვებს რომ დაიშურებს”. – (ავტორი გენია.ჯი)

* * *

„დიდი ჭირვეული ვინმე ბრძანდება ეს ჩვენი წუთისოფელი”.

* * *

„როდესაც გული წინ უსწრებს გონებას,იგი განსჯის უნარს უამრავი საზრუნავ-სადარდებელისაგან ათავისუფლებს”.

* * *

„სადაც რისკია,იქ შეიძლება დაკარგო კიდეც”.

* * *

„ზოგჯერ ადამიანი შემოგხედავთ და ამ შემოხედვაში შემოგანათებთ მარტივი სინატიფე – სადაც ჟინიანობა,გონიერება,სიდარბაისლე და კვიმატობა ისეა ერთმანეთში არეული,მთელი ბაბილონის ენებისათვის რომ მოგეყარათ თავი,მაინც ვერ გამოხატავდით მას – იგი მყისვე გწვდებათ სულში და გეუფლებათ ისე,რომ ვეღარ გაგიგიათ,რომელი თქვენგანი იყო ამ იდუმალი კავშირის სათავე”.

* * *

„ნუგეშად ისღა დაგრჩენია,ჩემო ძმაო,ვუთხარი მე,მაგ საბრალო პირუტყვის დამკარგავს,რომ დარწმუნებულიცა ვარ,ლმობიერ და შემბრალე პატრონობას უწევდი მაგ საცოდავს,სანამ პირში სული ედგა. – ვაგლახ! მომიგო მგლოვიარემ,ვაი,რომ მეც აგრე მეგონა,სანამ ცოცხალი მყავდა – მაგრამ,ახლა,მკვდარს რომ დავცქერი,სხვაგვარად ვფიქრობ. – ვაი თუ ჩემს წონასთან ერთად ჩემი მწუხარების სიმძიმე მეტისმეტი იყოს მისთვის – მათ შეუმოკლეს დღენი ამ საბრალო არსებას და, ვინ იცის,იქნებ პასუხიც მე უნდა ვაგო მათთვის. – სირცხვილი ადამის ძეთ!-მეთქი,გავივლე გუნებაში -  ჩვენც რომ ისე გვიყვარდეს ერთმანეთი,როგორც ამ საწყალს უყვარდა თავისი სახედარი – სხვაგვარად იქნებოდა საქმე” – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>