ამონარიდები თედორე დოსტოევსკის რომანიდან – „ყმაწვილი”

„არსებობს პირველი ადამიანი და არსებობს მეორე ადამიანი. პირველი ადამიანი გააკეთებს, მეორე კი აიღებს. მაშასადამე, მეორე ადამიანი გამოდის პირველი ადამიანი. ასეა თუ არა ეს?

- იქნებ ეგრეცაა, ოღონდ, ჩვეულებისამებრ, არ მესმის თქვენი ნათქვამი.

- მოითმინეთ. საფრანგეთში მოხდა რევოლუცია და ყველას თავი მოჰკვეთეს. მოვიდა ნაპოლეონი და ყველაფერი ხელთ იგდო. რევოლუცია – პირველი ადამიანია, ხოლო ნაპოლეონი მეორე ადამიანი. მაგრამ გამოდის, რომ ნაპოლეონი გახდა პირველი ადამიანი, ხოლო რევოლუცია – მეორე ადამიანი”. – (ავტორი გენია.ჯი)

* * *

„თუ ვინმე ქადაგებს პატიოსნებას, თვითონაც პატიოსანი უნდა იყოს – აი ჩემი ლოგიკა”.

* * *

„ცოტა არ იყოს მოუთმენელია ახლანდელი ახალგაზრდობა, სულსწრაფია, ცხადია, აღარაფერს ვამბობ იმაზე, თუ რა ნაკლებ გაეგება სინამდვილისა; ეს გაუგებრობა ახასიათებს ყოველი დროის ყოველგვარ ახალგაზრდობას, მაგრამ ახლანდელს რაღაც განსაკუთრებით არ გაეგება”…

* * *

„ბევრი” არ ნიშნავს „ყველას”.

* * *

„ჭეშმარიტება სადღაც შუაში ძევს: ესე იგი, ერთ შემთხვევაში წმიდა ჭეშმარიტებაა, მეორეში კი – სიცრუე. მე მხოლოდ ერთი რამ ვიცი დანამდვილებით: რომ ეს აზრი კიდევ კარგა ხანს იქნება ერთ-ერთი უმთავრესი სადავო პუნქტი ადამიანებს შორის”. – (ავტორი გენია.ჯი)

* * *

„ჩვენს ყველაზე წესიერ საზოგადოებაშიც კი წააწყდები ადამიანებს, ვისაც სურთ იცრუონ, რათა გააბედნიერონ მოყვასი”.

* * *

„ჩემო მეგობარო, მუდამ აცალე ხოლმე ადამიანს ცოტა წაიტყუილოს – ამით ვის რა დაუშავდება. ბევრიც აცალე. ჯერ ერთი ამით გამოიჩენ ზრდილობას, მეორეც, სანაცვლოდ შენც გაცლიან ტყუილს – ერთბაშად ორი უდიდესი ხეირია”.

* * *

„კაცმა რომ თქვას, მართლაც საშინლად ბევრია თანამედროვე ადამიანი, რომელსაც ჩვეულების გამო, ისევ ახალგაზრდა თაობა ჰგონია თავი, რაკი ჯერ კიდევ გუშინ ასეთი იყო, და იმას კი ვერ ამჩნევს, რომ უკვე გარიყულია”.

* * *

„ – შენ რა ჰქნა, ჩემო კარგო? პატიოსანი იყავ, ნურასოდეს იცრუებ, არა ისურვო სახლი მოყვასისა შენისა. მოკლედ, წაიკითხე ათი მცნება: იქ სამარადისოდაა ჩაწერილი ყველაფერი”.

* * *

„გამიგონეთ, არაფერია იმაზე მაღალი, რომ სარგებლობა მოგქონდეს ადამიანს”. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>