ამონარიდები პროსპერ მერიმეს ნოველიდან – „ეტრუსკული ლარნაკი”

„თქვენ, მამაკაცებს ყველას გსურთ დონ-ჟუანის სახელი გაითქვათ. თქვენ გგონიათ, რომ სხვებს ასულელებთ, მაგრამ სინამდვილეში ხშირად თქვენზე უფრო გაქნილ დონა-ჟუანეტებს წააწყდებით ხოლმე”. - (ავტორი გენია.ჯი)

* * *

„განა ყოფილა როდისმე ორი ადამიანი, რომ ერთმანეთისაგან დაფარული არაფერი ჰქონოდათ?’

* * *

„ის ადამიანი, რომელიც თავის ხვაშიადს გვანდობს, როდესაც ჩვენ არაფერს ვეკითხებით, ჩვეულებრივ ნაწყენი რჩება, თუ ჩვენსასაც არ შეიტყობს. ხალხს ჰგონია, თითქოს გულახდილობის პასუხი ისევ გულახდილობა უნდა იყოს”.

* * *

„ახალგაზრდა კაცებისთვის პირველ რიგში კარგი ცხენი და შემდეგ ლამაზი საყვარელი ყველაზე უფრო სასურველი საგნებია”.

* * *

„რათა ქალს მოეწონო, პირველი პირობაა – თავისებური იყო, სხვებს არა ჰგავდე”.

* * *

„შნოიანი სახე და ჩაცმის გემოვნებაა სწორედ ის თვისება, რომელიც უმკაცრეს ქალებსაც აცდენს”.

* * *

„მე ღრმად ვარ დარწმუნებული, რომ ეშმაკი უხილავად ყოველთვის თვალს ადევნებს ყველა უბედურს, რომელიც იტანჯავს თავს. სანახაობა სასიამოვნოა ადამიანთა მოდგმის მტრისათვის; და როდესაც მსხვერპლი გრძნობს, რომ ჭრილობები უკვე უშუშდება, ეშმაკი იქვეა და ხელახლა უხსნის მათ”.

* * *

„როდესაც ვნებათაღელვა გვათამაშებს, ჩვენი თავმოყვარეობა მცირეოდენ ნუგეშს მაინც გრძნობს, თუ ჩვენი სიამაყის მწვერვალიდან დავცქერით საკუთარ სისუსტეს. „მართალია, სუსტი ვარ, ვამბობთ ჩვენს გულში, მაგრამ აბა მოვინდომო!”

* * *

„აბეზარი ადამიანი ადვილად არ ეშვება თავის მსხვერპლს”.

* * *

„ვგრძნობ, რომ თქვენი მაღალი გონების წყალობით, ქალბატონებო, თქვენ ერთი ლიეს მანძილზე უღებთ ალღოს სულელ მამაკაცს”. – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>