„რაც უფრო მცირეა ერი, მით უფრო დიდია მისი შეგნებული შვილის დარდი! მოვალეობაც!” - (ავტორი გენია.ჯი)

* * *

„ყველაზე უარესია, როცა ტყუილი სიმართლეს ჰგავს და კი არ არის!”

* * *

„ – ისპაჰანელმა ბრძენმა ბრძანა – ვეფხვი თუ გსურს იყოლიო, ან შენ უნდა ჩაჯდე გალიაში, ან ის ჩასვაო!”

* * *

„ვაი უსახელობას სამშობლოში და ვაი სახელოვნობას უცხო მხარეში!

ვაი უნიჭობას შინ და ვაი ნიჭიერებას გარეთ! სხვასთან! მტერთან!

სხვაგან დახარჯული ნიჭი ისევე ამაოა, ვით სხვის ბრძოლაში დაღვრილი სისხლი!”

* * *

„ცხოვრების უკუღმართობა იმაში მდგომარეობს, რომ სიბერისას ადამიანმა თავისი ახალგაზრდობის შეცდომები ასწორო და ვერ გაასწორო!” – (ავტორი გენია.ჯი)

* * *

„ – თურმე ჰოროველასაც სჯობნებია დამარცხებული მტრის ღრიანცელი!”

* * *

„ – თავი იყოს მოსაკვეთი და ჯალათი ყოველთვის მოიპოვება ქვეყანაზე! და კიდევ, მთავარია, დროზე მიხვდე, რომელი თავია მოსაჭრელი!”

* * *

„სიბერე ეჭვებისა და დარდების საბუდარია!”

* * *

„ერის მატიანე, მისივე პირუთვნელი სამხილავია… და ვაი მას, ვისაც აღარ სწადს გარდასულ ჟამთა და საქმეთა სარკეში შთახედვა, განსჯა, მომავალ დღეთა სათვალისწინოდ და წარსამართებლად!”

* * *

„რამდენი თვალი და ხელ-ხმალი უნდა გქონდეს ქართველ ადამიანს?!” – (ავტორი გენია.ჯი)