ამონარიდები სერგო კლდიაშვილის მოთხრობებიდან…

„რა დამღლის ვიარო წმინდა ქართულ მიწაზე, რა დამღლის ვუცქირო ჩემი ქვეყნის ცასა და მზეს! ამაზე დიდი სიკეთე რა უნდა ვინატრო!” – (სოფლის გზაზე საქართველოში) - (ავტორი გენია.ჯი)

* * *

„დრო, თურმე, კეთილი მკურნალია. ყველას გაუყუჩა და მოუშუშა ტკივილი”. – (ჭინკა-ბიჭები)

* * *

„ – ბედნიერად მომახუცეთ და თვენი აუგი ვთქვა? აბა აღარ ყოფილა ქვეყნად პატიოსნება”. – (შორეული)

* * *

„რა, განა არ არიან ვაჟკაცი გოგონები?” – (მაიკო)

* * *

„ორმოცდაათი წელიწადი გვერდიგვერდ ცხოვრობდე, ერთმანეთის ჭირსა და ლხინს იზიარებდე, ახალგაზრდობა ერთად გაატარო, შეაბერდე და, ბოლოს, უეცრად დაშორდე – დაგწყდება კაცს გული, მაშ, რა იქნება!” – (შორეული) – (ავტორი გენია.ჯი)

* * *

„ – გზაზე დამდგარი კაცი კი არ უნდა გამოიტირო, შე ქალო, უნდა გაამხნევო”. – (შორეული)

* * *

„ზოგჯერ ისეც მომხდარა, რომ გამოცდილი მოგზაურიც შემცდარა”. – (ისიკუმბა)

* * *

„ – დედაშენს გაცვლიდი შენ? – უეცრად ხმას იმაღლებს ეზეკია.

ბესარიონს ვერ გაუგია, რას ეკითხება და გაკვირვებული შესცქერის.

- მე შენ გეკითხები, დედაშენს გაცვლიდი იმიტომ, რომ სხვა დედაკაცი უფრო ლამაზი იყო?

- მაგის გამო დედა ვის გაუცვლია, შე კაი კაცო…” – (შორეული)

* * *

„მოდი და ნუ დაიჯერებ, რომ ადამიანი თავიდანვე განისაზღვრავს ხოლმე საკუთარ ბედს და რომ მისი უკანასკნელი დღე სწორედ იმგვარად დასრულდება, როგორც თვითონვე განიმზადა”. – (ისიკუმბა) – (ავტორი გენია.ჯი)

კომენტარის დატოვება

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

შეგიძლიათ გამოიყენოთ ეს HTML ტეგები და ატრიბუტები: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>