„ქალი ცვალებადია,უგუნურია,ვინც მას ენდობა”. – ფართოდ გავრცელებული ვერსიის თანახმად,ეს სიტყვები საფრანგეთის ერთ-ერთმა მეფემ თავისი ციხე-დარბაზის ფანჯრის მინაზე დააწერინა ქვეშევრდომებს.

დაასახელეთ ის ერთადერთი მიზეზი,რის გამოც ეთქვა უარი გამოჩენილ ქართველ მწერალ ქალს – ანასტასია ერისთავი-ხოშტარიას (მიუხედავად მისი დიდგვაროვნული წარმომავლობისა) თბილისის კეთილშობილ ქალთა გიმნაზიაში ჩარიცხვაზე.

ადრეულ საუკუნეებში წიგნის შექმნა და გადაწერა ერთობ დიდ ფინანსურ შესაძლებლობებთან და სიძნელეებთან იყო დაკავშირებული (ყველაზე სახელგანთქმულ ქართველ გადამწერად დღემდე მიიჩნევა XVIII-XIX საუკუნეებში მოღვაწე დიდი ქართველი მეცნიერი და კალიგრაფი – დავით რექტორი).

მეფის რუსეთში განხორციელებული რევოლუციის შედეგად ხელისუფლებაში მოსულმა ბოლშევიკებმა,რევოლუციის წლისთავის აღსანიშნავად, 1918 წლის 3 ნოემბერს მოსკოვში,კერძოდ კი – ალექსანდრეს ბაღში აღმართეს პირველი მონუმენტი. დაასახელეთ,რომელი სახელოვანი პერსონის მონუმენტი იქნა ბოლშევიკების მიერ აღმართული მათი ხელისუფლებაში მოსვლის შემდეგ პირველად?!

დიდმა ამერიკელმა არქტიკის მკვლევარმა და მოგზაურმა – რობერტ პირიმ (1856-1920 წლები),სანამ ის 1909 წელს ოფიციალურად გააკეთებდა განცხადებას ჩრდილოეთ პოლუსის სრული დალაშქვრის შესახებ, 1908 წელს პოლარულ ზღვებში სამოგზაუროდ აღჭურვილი საგანგებოდ აგებული იახტით,სახელწოდებით – „რუზველტი”,

„ღმერთმა ფულის გასაკეთებლად ჩამომიშვა მიწაზეო”, – ხშირად ამბობდა ახლობელთა წრეში ერთ-ერთი საყოველთაოდ ცნობილი ამერიკელი მილიარდერი.დაასახელეთ,რომელი „ღვთისმოსავი” ამერიკელი მილიარდერია აღნიშნული სიტყვების ავტორი?!

„თუ საჭირო იქნება პარიზის დაწვა, ჩვენს დავწვავთ პარიზს”. – ასე განაცხადა არა უცხოელმა დამპყრობელმა,არამედ ნაპოლეონ ბონარატის მიერ თანამდებობრივად დაწინაურებულმა ქვეყნის ერთ-ერთმა ფრანგმა მინისტრმა პოსტის დაკავებისთანავე.

შუა საუკუნეების მხატვრები მეცნიერების „ერთ-ერთ” დარგს დედოფლის სახით გამოსახავდნენ ტილოებზე.თავის მხრივ,დედოფალს მარჯვენა ხელში შეცდომების გასასწორებელი დანა ეჭირა,ხოლო მარცხენაში კი – მათრახი.დაასახელეთ,რომელ მეცნიერებას წარმოგვიდგენდნენ ამ უჩვეულო ფორმით მხატვრები?

დაასახელეთ, XVII საუკუნის იმ გენიალური ევროპელი ფილოსოფოსის ვინაობა,რომელიც თანაგრძნობას – „ქალაჩუნობას” უწოდებდა.

„ლარუსის ენციკლოპედიურ ლექსიკონში ნათქვამია,ქართველები ყველაზე მშვენიერი ადამიანური რასაა დედამიწაზეო, „ის” კი ამის ცოცხალი მაგალითია”. – ამ სიტყვებით ასხამდა ხოტბას ერთ-ერთ ულამაზეს ქართველ გოგონას „სამშობლოს პოეტად” წოდებული დიდი ფრანგი პოეტი – ლუი არაგონი (1897-1982 წლები).