“მეც ის მაცვია,რაც ძროხებისა და ცხენების მწყემსებს და იმ საჭმლით ვიკვებები,რითაც ისინი.ჩვენ ერთნაირად ვწირავთ მსხვერპლს და სიმდიდრეს თანაბრად ვინაწილებთ.მე მძაგს ფუფუნება და მუდამ ვიცავ ზომიერებას”!

მონღოლთა იმპერიამ დააკავშირა და გააერთიანა არაერთი ცივილიზაცია და ახალ მსოფლიო წესრიგს დაუქვემდებარა ისინი.1162 წელს,როცა ჩინგიზ ყაენი დაიბადა,ძველი სამყარო შედგებოდა რეგიონალურ ცივილიზაციათა მთელი წყებისაგან,რომელთაგან არც ერთმა არ იცოდა,რა ხდებოდა ახლო სამეზობლოს მიღმა.

ჩინგიზ ყაენისათვის განგებას არ უბოძებია ისეთი ბედი,როგორიც ჰქონდა,იგი მან თავადვე გამოჭედა.როდესაც დაიბადა,არავის მოსვლია აზრად,ამ ბიჭს ოდესმე საკმარისი ცხენი ეყოლება საიმისოდ,რომ თავისი სულის ალამი იქონიოსო;