„გაჭირვებულ ადამიანს ენა აწყვეტილი აქვს!” – (ავტორი გენია.ჯი)

* * *

„არ არსებობს ეს თქვენი მზამზარეული, საწოვარათი მორთმეული  ჭეშმარიტებანი!”

* * *

„გზებს ადამიანის ნაკვალევი ქმნის და მისი ყოველი საფეხური კბილებითაა გაჭრილი”.

* * *

„ – არავითარი ამერიკის აღმოჩენა არ არსებობს! ამერიკა აღმოჩენამდეც აღმოჩენილი იყო. ჩვენ ის მხოლოდ ჩვენთვის აღმოვაჩინეთ!”

* * *

„ყოველი საქმე იოლად მაშინ გეჩვენება, როცა ძალიან შორიდან ვუყურებთ, და კონტურების მეტს ვერაფერს ვამჩნევთ”. – (ავტორი გენია.ჯი)

* * *

„ – აპა-პა-პა! არ მიყვარს, არ მიყვარს ჩხუბები! რა აჩხუბებთ, კაცო, რას ყვირიან? წყნარად ვერ იქნებიან? მოისვენონ და მოგვასვენონ, ბატონო! არ მინდა, არ გამაგონოთ მოჩხუბარი ტიპები!

- მართალი ბრძანდებით, ბატონო ბიბონ! – შესციცინა აგული მელიმონაძემ. – აფერისტები და ჯიბგირები ჩხუბობენ, თუ არა, პატიოსან, საწყალ კაცს ყველა თავში უჩაჩქუნებს.

- ბატონო, ბულბულის ხმას სიცოცხლეში ერთი-ორჯერ თუ გაიგონებ, სკვინჩა-ბეღურებისგან კი ყურთასმენა არაა! – თქვა კიჭიამ”.

* * *

„ – სულელის ბედნიერების საიდუმლო არ იცით? – ჭკვიანს ერთხელ რომ დაარწმუნებ, მეორედ იმ საქმეზე სიტყვას არ დაძრავს. სულელი კი, ვითომ, კედლისთვის ცერცვი მიგიყრია, ისევ და ისევ თავიდან წამოიწყებს”.

* * *

„ყველა გაბოროტება უნიჭობისგან მოდის”.

* * *

„ – პატიოსანი კაცი ვარ, პატიოსნება მწამს, აბა, რა დაგვრჩენია ამის მეტი?”

* * *

„ჯვარის” ამშენებელს რა აკლდება იმით, რომ ჩვენ მისი ვინაობა არ ვიცით! რა სარგებლობას მოუტანს ამის ცოდნა მას”. – (ავტორი გენია.ჯი)