1886 წლის 24 მაისს თბილისის სასულიერო სემინარიის ქართველმა სტუდენტმა – იოსებ ლაღიაშვილმა ამავე სემინარიის ქართველთმოძულე რექტორი – პავლე ჩუდეცკი განგმირა,რასაც ამ 20 წლის ახალგაზრდა კაცის 20 წლით სახალინზე გადასახლება მოჰყვა.

როგორც ცნობილია,გამოჩენილი ქართველი რომანტიკოსი პოეტი და “კავკასიის ომის” ერთ-ერთი უმნიშვნელოვანესი სამხედრო მოღვაწე (რუსეთის არმიის ინფანტერიის გენერალი) – გრიგოლ ორბელიანი (1804-1883 წლები),ერთობ სიტყვაძუნწობით გამორჩეული პიროვნება გახლდათ.

დიდებული ქართული ნაწარმოებების – “ხევისბერი გოჩას”,”მამის მკვლელის” და “ელგუჯას” ავტორს,დიდ ქართველ მწერალს – ალექსანდრე ყაზბეგს,როგორც მისი თანამედროვეები ირწმუნებიან შნოიანი ლაპარაკი არ სცოდნია და გარდა ამისა,სიტყვის წარმოთქმაც სრულიად არ ეხერხებოდა.