“ისტორიის სანაგვე” - ინგლისურ ენაზე “Ash heap of history”,გახლავთ ტერმინი,რომელიც პირველად გამოყენებულ იქნა 1917 წლის 25 ოქტომბერს “საბჭოების მეორე ყრილობაზე”,საბჭოთა მარქსისტი რევოლუციონერის და თეორიტიკოსის,წითელი არმიის დამაარსებლის და პირველი ხელმძღვანელის – ლევ ტროცკის (1879-1940 წლები) მიერ.

“ბამბუკის ფარდა” - ინგლისურ ენაზე “Bamboo Curtain”,წარმოადგენს “ევფემიზმს” (ამა თუ იმ ენობრივ კოლექტივში სააუგოდ,საჩორითოდ ან სახიფათოდ მიჩნეული სიტყვა-თქმათა ნაცვლად ხმარებული უფრო ნატიფად,ზრდილობიანად და უვნებლად მიჩნეული სიტყვა-თქმები),საყოველთაოდ ცნობილი ტერმინის – “რკინის ფარდისა”.

სტელა გოლდშლაგი - დაიბადა 1922 წლის 10 ივლისს,გერმანიაში.იგი წარმოადგენდა ებრაული წარმომავლობის მქონე კოლაბორაციონალისტ ქალს,რომელიც მჭიდროდ თანამშრომლობდა “გესტაპოსთან”,რითაც საკუთარი თავი “საყოველთაო ზიზღის” ობიექტად აქცია.

ეტი ჰილესუმი - დაიბადა 1914 წლის 15 იანვარს,ნიდერლანდების ქალაქ მიდელბურგში.იგი წარმოადგენდა ებრაული წარმომავლობის მქონე იმ ნიდერლანდელ გოგონას,რომელმაც მეორე მსოფლიო ომის პერიოდში აწარმოა დღიური,რომელიც დღემდე მიიჩნევა – ანა ფრანკის მიერ წარმოებულ “დღიურებთან” ერთად,ერთ-ერთ უდიდეს ლიტერატურულ ძეგლად “ჰოლოკოსტის” შესახებ.