ებრაული წარმომავლობის მქონე გენიალური ფიზიკოს-თეორიტიკოსისა და ფარდობითობის თეორიის წამომყენებლის – ალბერტ აინშტაინის დაბადების დღეს (ზოგადად,დაბადების თარიღს) მეგობართა წრეში ხუმრობით ერთ-ერთი მათემატიკური მუდმივას სახელი უწოდეს.

რელიგიურ ნოვატორად აღიარებული გენიალური ძველბერძენი მათემატიკოსი,ფილოსოფოსი და მისტიკოსი – პითაგორა სამოსელი (ძვ.წ.აღ-ით 570-490 წლები),თავის მოწაფეებსა და მიმდევრებს მოუწოდებდა,რომ თავი შეეკავებინათ ცხოველური წარმოშობის საკვების მიღებისაგან.

ანტიკურ ხანაში ბერძნები ენციკლოპედიური ცოდნის მატარებელი ერთ-ერთი უდიდესი ძველბერძენი ფილოსოფოსის მშობლიური ქალაქის მოსახლეობას,მათი გულუბრყვილო ბუნებისა და გაუნათლებლობის (უმეცრების) გამო – „გულწრფელ სულელებად” მოიხსენიებდნენ.

გენიალურმა ამერიკელმა გამომგონებელმა ელექტროფიკაციის სფეროში – ტომას ალვა ედისონმა,რომელსაც 29 წლის ასაკში მყოფი მეუღლე – მერი სტილველი ტვინის სიმსივნის შედეგად გამოეცალა ხელიდან,რამდენიმე ხანში მეორედ იქორწინა 20 წლის ასაკში მყოფ საკუთარ მოწაფეზე – მინა ფლორენს მილერზე.

1945 წლის 17 აგვისტოს გაერთიანებულ სამეფოში გამოცემული იქნა დიდი ინგლისელი მწერლისა და ესეისტის – ჯორჯ ორუელის სატირული ალეგორია საბჭოთა ტოტალიტარიზმზე – „ცხოველების ფერმა”,სადაც ანტიუტოპიური ნაწარმოების ერთ-ერთ მთავარ გმირს ცხოველთა ფერმაში დიდი ძალაუფლების ხელში ჩამგდები აგრესიული ღორი,სახელად – ნაპოლეონი წარმოადგენდა.