„ჩვენ, მოხუცები, იმისათვის ვარსებობთ, რომ ახალგაზრდებმა ჩვენ მიერ ჩადენილი შეცდომები აღარ გაიმეორონ”. – გოეთე

„შენ თუ მართლა ბრძენი ხარ, შესდექ ყოველი აყვავებული ხის ძირას, იისა და ყოჩივარდას ყოველ ბუჩქთან და დატკბი ამ სამყაროს ფერთა სიუხვით”. – კონსტანტინე გამსახურდია

„ვიდრე ერთი ჩვილი წევს აკვანში, კაცთა შორის პირველობას ნუ დაიჩემებ!..” – ბესიკ ხარანაული

„ამაოება ამაოებათა და ყოველივე ამაო… საიდანაც მოვედით, მუნვე მივიქცევით და არ არის მთქმელი იმისა, თუ რატომ მოვედით ან რატომ მივდივართ”. – გრიგოლ აბაშიძე

„მკვლელი რომ მოკლა, გგონია შენ მკვლელად არ იქცევი? შენ რომ გაგქურდეს, ადგე და შენ სხვა გაძარცვო, ეს გაგამართლებს გგონია? არ წაგიკითხავს, „ყველაზე დიდი შურისძიება ისაა, არ ემგვანო იმას, ვინც გაგამწარაო?” ღალატსა და ბიწიერებას რომ ღალატითა და ბიწიერებით ვუპასუხოთ, ერთგულებასა და პატიოსნებას რა პასუხი მივცეთ”. – ოტია იოსელიანი

„ვინ მოთვლის, რამდენი უხეში, მოუქნელი და გამოუთლელი მუტრუკი გამოუგდია სატანტალოდ მამაზეციერს ამ სოფელ-ქვეყანაში”. – ვაჟა ჩორდელი

„ზოგი ისეთია, ცოტას ლაპარაკობს, ბევრს კი ამბობს”. – ფრიდრიჰ ჰოლდერლინი

„ნუ ქექავთ და ჩხრეკთ – სხვის სულებს!” – მარკუს ავრელიუსი

„სად არი, თვარა კაი კია სინდის-ნამუსი!” – მუხრან მაჭავარიანი

„ძმაკაცობა ჩემი რწმენაა, ჩემი სინდისის მსაჯულია და თუ ვინმეს „ძმაკაცობა” ეგოიზმით ნაკარნახევ მხოლოდ და მხოლოდ გართობისა და დროსტარების საშუალებად მიაჩნია, მიმიფურთხებია ასეთი ძმაკაცობისათვის”. – აკაკი მუხურაძე