„ – ნება მომეცით თქვენ წინაშე ერთი უპირატესობა ვიქონიო. რადგან ვერ მიცნობთ, ჩემი შეყვარება არ შეგიძლიათ. მე კი, ბატონო, თუმცა ვერ გიცნობთ, მაინც თავისთავზე მეტად მიყვარხართ; ასეთია ღვთის ცნებაც”.

„ – რაც მეტს ვფიქრობ, მით უფრო ვრწმუნდები, რომ სამყარო ჭკუაზე შეშლილია”.

„მეფე სოლომონმა ბრძანა,რთული შესაცნობია სამი რამ,მეოთხე კი სრულიად შეუძლებელი. ვერ შეიცნობ გველის კვალს კლდეზე, ფრინველისას ჰაერში, გემის წყალზე და მამაკაცისას დედაკაცში”.

„ – უბედურები,სანამ სული უდგათ პირში,ებღაუჭებიან სიცოცხლეს; გაქრობაში როდი ეძიებენ ნუგეშს. არყოფნაში მოსვენებას ვპოვებთო,თავს როდი იიმედებენ.

„ქალი ცოდვილია,თუ სხეულს ფულზე ჰყიდის,მაგრამ უფრო ცოდვილია,როცა უფასოდ ნებდება.

„კარგად ვიცი,რომ ფული სათავეა ყოველგვარი ბოროტებისა და ღრნის ჩვენს ისედაც სასტიკ საზოგადოებას,რომლითაც ასე ვამაყობთ ხოლმე”.

„თუ საღად ვიმსჯელებთ,თუ ჩვენი ქვეყნის მსგავსად შექმნილ ყველა პლანეტაზე ცხოვრობს,ან იცხოვრებს სულდგმული,თუ იქაური მცხოვრებელებიც იმავე კანონებს ემორჩილებიან,რომელთაც ჩვენ ვმონებთ,ბოროტებას არა ჰქონია საზღვარი; მას უსასრულო სამყარო მოუცავს და ბრძენ კაცს ისღა დარჩენია,გაექცეს სიცოცხლეს,ანდა მასხრად აიგდოს იგი”.