„გარეშე კაცის არც თვალია სარწმუნო და არც სიტყვა”.

„არ არსებობს კანონი, რომელსაც გვერდი არ აევლებოდეს… კანონიერად”.

„ფუჰ! ზოგიერთს ღიმილითაც შეუძლია ვაჭრობა…”

„მშობლიური მიწა სათუთი სულიერი არსებაა. სუნთქავს, შრიალებს, ბიბინებს, ქუხს, ჩხრიალებს, წუხს, ხარობს, ბობოქრობს, ალერსად იღვრება და ყველაფერს გრძნობს,

„უიმედო ადამიანი ხმობაშეპარულ ხესა ჰგავს, ხვალ და ზეგ ღონიერი ქარის შემობერტყვაზე რომ გადატყდება”.

„ცხოვრება ასეთია, როცა მოგაწვებიან, უნდა გაჯიქდე, თორემ გაისრისები”.

„მძულს და ვერ ვიტან, როცა ვინმეს ვებრალები და ვეცოდები. მიმტრე, მეომე, წამღლიტე, გამქურდე, ვალს ნუ დამიბრუნებ, მიღალატე!.. ხომ საძაგლობაა? მაგრამ შებრალება და შეცოდება უფრო მგვრის ზიზღს”.