„რასაც სიფრთხილით აკეთებ, იმაში არ შეცდები. სიფრთხილეს დედ-მამა არ მოუკვდებაო, ხომ გაგიგონია”. – (ანდერძი)

„დადებით ადამიანებშიაც კი არ არიან მთლად უნაკლონი. შეუცდომელი კაცი არ გაჩენილა”.

„დაღერებულს დაკვრა უნდა”.

„ – მშობლები არასოდეს არ კარგავენ იმედს, შვილო”.

„ – უთითია თოდუამ მითხრა, ბაბამ თქვაო, ბედნიერებას ადამიანი მხოლოდ ცაში ეწევაო”.

„ჭკუა საქმით გამოჩნდება”.

„სიყვარული მკვდარსაც გაანძრევინებს ხელს”. – (ამორძალი)

„ქართველებს ერთი დიდი ნაკლი გვაქვს – ხასიათისა და გულის სიჩვილე. თვითონ გულკეთილებს სხვაც გულკეთილი გვგონია”.

„ – ვინც მალე ჭრის, დიდხანს ნანობს”.

„ყოველ ადამიანს თავისი ჭკუა აქვს, თავისი აზრი აქვს… ვაი იმას, ვისაც თავისი ჭკუა და აზრი არა აქვს”.