„ – ადამიანი მაშინ იხრწნება, როცა ბოროტი საქმეებისათვის ჯილდოს აძლევენ”.

„ – უსამართლობის ჩადენას უსამართლობის ატანა სჯობია!”

„სიტყვას ბანზე ნუ მიგდებ, თამაზ იაშვილო, იქნებ გგონია, რომ კაცსაც არ მოკლავ? ან იქნებ გგონია, რომ კაცი არ მოგიკლავს?

„სინდისის ცნება, ამდენი უგუნური რომ არ იმჩნევს და უფრო მეტი კი საერთოდ უარყოფს, მაინც არსებობს და მუდამ არსებობდა”.

„ – ჰმ, სადღაა ახლა ადამიანი?”

„სიმართლეს დამალვა არ უყვარს!”

„თუ პატიოსან ადამიანებს გზაზე იუდა უდგას და უცდის, დრო უნდა იხელთოს, რომ გაყიდოს ისინი, თვით მე ვიქნები იუდა, თუ არ მოვსპე ის!”

„ნუთუ კაცმა მოვალეობას უნდა უღალატოს, როდესაც საშიში მოელის რამე? თუ საშიში აქვს, ფრთხილად იყოს, აიცილოს როგორმე განსაცდელი და სხვას კი ნურავის გასწირავს”.

„სიყვარულია ის, რომლის ძალითაც ქალი და მამაკაცი, ქვეყნის დასაბამიდან, ერთმანეთისაკენ მიისწრაფვიან, რომელიც მეტოქეობით აგღნებულ ირმებს გაზაფხულობით სასიკვდილოდ შეაჭიდებს ხოლმე ურთიერთს, და თვით ბუნების ელემენტებსაც კი ერთმანეთის შესარწყმელად აშლის და აღძრავს”.