„ – ტიტულები და თანამდებობები რომ შველიდეს საქმეს, ვორონცოვს უნდა დაეწერა „მერანი” და არა ნიკოლოზ ბარათაშვილს”. – (ჩქარი მატარებელი)

„ბოლომდე ვიბრძოლებთ, ვიდრე შეგვიძლია! და, თუ სიკვდილი გვიწერია, არც ეს უნდა იყოს დიდი ტრაგედია. ისეთი ბიჭები იხოცებიან, ძნელია ამის შემყურემ სიცოცხლეზე იფიქრო. რას იზამ, ბედისწერას ვერ გაექცევი”.

„ხალხო! გეხვეწებით ამ მოხუცის თავით უფრთხილდით ერთმანეთს, უბრალოდ მტრობას უფრთხილდით! იქნებ ხვალ და ზეგ ეგეთი დღე დაგვადგეს, რომ თითოს თავი ათასად დაფასდეს. მშვიდობიანობას ეცადეთ, თქვენი ჭირიმეთ, მშვიდობიანობას!”

„ყოველ ხალხს აქვს ის, რაც მას სჭირდება: მშობელი მიწა – ფეხქვეშ, მზე – ცაში, წყალი – მდინარეში და პური ხელში”.