„ცხოვრება ზღვას ჰგავს, თუ მარტო შენი თავისთვის იზრუნებ და შენი თავისთვის იცხოვრებ, უვარგის ნავში მჯდომ მეთევზეს დაემგვანები, წყალმარჩხ ნაპირს რომ ვერ გასცილებია და გახვრეტილ ნავში შემოჭრლ წყალს დაკონკილი ძონძებით აკავებს”.

„თუ თანაგრძნობა არ შეგიძლიათ, გაჩუმდით მაინც!”

„დიდი თანამდებობის ადამიანები მხოლოდ მაშინ არიან კმაყოფილნი, როდესაც მათთვის შეუძლებელს აკეთებენ. ეს რომ შესაძლებელი ყოფილიყო, გვეუბნებიან ისინი, ჩვენ თვითონაც გავაკეთებდითო და მართალნი არიან”.

„საოცარია, ადამიანები კერპებს თვითონ ქმნიან და თვითონ ამხობენ. იმ კერპების დამხობისასაც ისეთსავე აღტყინებას და ტკბობას განიცდიან, როგორსაც მათზე ლოცვისას განიცდიდნენ”.

„ვისაც მშობლიური გზები ეგრძელება – ის სულმოკლე ყოფილა! იმას, ჩანს, არც უცხო გზებზე და არც არაგზებზე არ უვლია! არც ვუსურვებ…”

„თავის მოტყუება მავნებელია!”