როგორც საყოველთაოდ არის ცნობილი,თავისი სასტიკი ბუნებით სახელგანთქმულ ესპანური ინკვიზიციის ერთ-ერთ უმთავრეს დამაარსებელსა და ესპანეთის პირველ “დიდ ინკვიზიტორს” – თომას დე ტორკვემადას (1420-1498 წლები),რომლის უშუალო ბრძანებითაც 10 220 ადამიანი იქნა კოცონზე ცოცხლად დამწვარი და კიდევ უფრო მეტი ნაწამები,განსაკუთრებულად სძულდა მავრიტანიული წარმომავლობის მქონე ხალხი – მავრები,რომლებიც ათიათასობით ებრაელთან ერთად ესპანეთიდან განდევნა.დაასახელეთ ის მიზეზი,თუ რატომ სძულდა უსასტიკეს ჯალათს – ტორკვემადას განსაკუთრებით – მავრები?

ჩრდილოეთ კორეის სახალხო-დემოკრატიულ რესპუბლიკაში ყოველი ადამიანი,რომელსაც პედაგოგი ჰქვია,უცილებლად ფლობს ერთ-ერთ მუსიკალურ ინსტრუმენტზე დაკვრის ხელოვნებას.ის,ვისაც პედაგოგად სურს მუშაობის დაწყება,იმ შემთხვევაში თუკი აღნიშნულ მუსიკალურ ინსტრუმენტზე დაკვრა არ იცის,პედაგოგად მუშაობის დაწყების არავითარი შანსი არ გააჩნია.დაასახელეთ,რომელი ეგრეთ წოდებული – “ეროვნულ ინსტრუმენტის” დაკვრის ცოდნაა სავალდებულო ჩრდილო კორეელი პედაგოგებისათვის?

როგორც ცნობილია,გერმანელი ფაშისტების მიერ პოლონეთის ოკუპაციამდე პერიოდში (1939 წელი),პოლონეთის უმაღლესი ხელისუფლება ყველაზე დიდ მოწინააღმდეგედ – საბჭოთა კავშირს მიიჩნევდა,ხოლო გერმანელ ფაშისტებთან კი უპირატესობას მოლაპარაკების გამართავს ანიჭებდა.იმ პერიოდში პოლონეთის საგარეო საქმეთა მინისტრს წარმოადგენდა – იუზეფ ბეკი (1894-1944 წლები),რომელმაც აღნიშნული საკითხის შესახებ შემდეგი სახის განცხადება გააკეთა: “თუკი პოლონეთის ოკუპაციას გერმანელები მოახდენენ,ჩვენ დავკარგავთ ………,ხოლო თუკი პოლონეთს ხელში ჩაიგდებს საბჭოთა კავშირი,მაშინ ჩვენ დავკარგავთ …..”.დაასახელეთ,რის დაკარგვას გულისხმობდა იუზეფ ბეკი ზემოთ მოყვანილ შემთხვევებში?

მას შემდეგ,რაც დიდი ფრანგი მწერალი – ანრი მარი ბეილი (1783-1842 წლები),იგივე – სტენდალი,დაინტერესდა თუ როგორი წარმატება ხვდა წილად თავის ერთ-ერთ ნაწარმოებს,გამომცემლისაგან შემდეგი პასუხი მოისმინა: “შეგიძლია წმინდა წიგნი უწოდო კაცმა,რადგან ძეხორციელი ვერა ბედავს მის ხელის ხლებას” (ცნობისათვის,რამდენიმე წლის განმავლობაში აღნიშნული ნაწარმოების სულ რაღაც – 27 ეგზემპლარი გაიყიდა).დაასახელეთ,სტენდალის რომელი ნაწარმოების შესახებ გასცა ავტორს ასეთი ცინიკური პასუხი გამომცემელმა?!

დაასახელეთ,რას ეძახდა პერუში მაცხოვრებელი ინკების გაბატონებული გვარი საკუთარ თავს?