„ბავშვებს ნუ ასწავლით ტყუილს”.

„ – ღვთისმშობელო დედავ, შენ დაიფარე ჩემი მოდგმა და სისხლი! უკადრისი არაფერი აკადრებინო, შენი უბისა და კალთის ჭირიმე!

„ბავშვის კუთვნილი ნივთიერი სამყარო თითქმის სრულ წარმოდგენას გვაძლევს თვით ბავშვის, და არა მარტო ცალკეული ბავშვის, ხშირ შემთხვევაში, მთელი მისი თაობის ბუნებაზედაც კი”. – (ორი წერილი)

„ის სხვა საუკუნეები იყო, თვალებით რომ აფასებდნენ ქალს. ახლა – ზურგიდან…” – (ვიღაცას ავტობუსზე აგვიანდება)

„ეს არი ყოველგვარი უკუღმართობის სათავე – ჩემი ოჯახი, ჩემი გეჯა, ჩემი სალაფავი და შიგ ყურებამდე ჩარგული თავი, რომ სხვამ არ ჩაგვიკრას დინგი”. – (ჩიტების გამოსაზამთრებელი)

„მოგვეცით უფლება, დავრჩეთ ადამიანებად”.

„ქალი ყველაზე ლამაზი, ყველაზე ლამაზი, ყველაზე ლამაზი როდის არის, იცი? როცა გულაღმა წევს, თვალები ცრემლებით აქვს სავსე და თან იცინის, იცინის”… – (თაფლობის თვე)

„არის სიცოცხლე, არის სიკვდილი. სიცოცხლე – კარგი, სიკვდილი – ცუდი. ვუგალობოთ სიცოცხლეს”.